Kecap Rancamaya kapanggih dina sababaraha sumber diantarana : Carita Parahiyangan, Pustaka, Rayarajya i bhumi nusantara, Deugdeug Pati Jaya Perang, jeung Rajah Waruga Pakuan.
Dina Carita Parahiyangan bagian XIX unina: "ndah nihan tembey Sang Resi Guru miseuweukeun Sang Haliwungan inya Sang Susuktunggal nu munarna Pakuan reujeung Sanghiyang Haluwési nu nyaeuran Sanghyang Rancamaya. Mijilna ti Sanghiyang Rancamaya: Ngaran kula ta Sang Udugbasu, Sang Pulunggana, Sang Surugana, ratu hiyang Banaspati".
Saterusna dina bagian XX disebutkrun: "disilihan ku prebu nalendraputra premana, inya sang Ratu Jayadéwata, sang mwa(k)taring Rancamaya, lawasniya ratu telu puluh salapan taun".
Dina bagian XIX nu disebutkeun di luhur kacaritakeun yen Rancamaya téh disaeuran atawa diurug ku Sanghiyang Haluwési adina Susuktunggal alatan dina talaga éta aya dedemit (banaspati) nu ngarana Udugbasu. Pulunggana jeung Suragana; saterusna dina bagian XX disebutkeun Rancamaya téh tempat dipusarakeunana Ratu Jayadéwata (Sri baduga Maharaja).
Dina Pustaka Rajyarajya i Bhumi Nusantara kacaritakeun waktu di karaton Cirebon diayakeun gotrasawala ngeunaan sajarah Nusantara, kasebut aya mahakawi utusan ti Rancamaya. Ku disebut sebutna Rancamaya dina sumber sumber heubeul, saheunteuna ngaran tempat eta boga ajén nu penting dina sajarah di tatar Pasundan hususna sajarah karajaan Pajajaran.
Diurugna Rancamaya ku Haluwési (adina Susuktunggal) alatan di dinya aya Banaspati (dedemit) atawa jurig cai) nu sok menta nyawa manusa utamana nonoman. Dina pantun Bogor lalakon "Disaeurna Talaga Rancah Maya" kacaritakeun. di tengah ranca th aya karaton nu ngaran rajana Resi Niskala Nyura Maya. Para ponggawa jeung rahayatna matak pikasieuneun malah sataun sakali sok ménta sapasang rumaha (sekar manah) keur pimatarameun (wadal). Sangkan bisa ngarurug éta karaton, ranca téh ti sisi ka tengahna diurug.
Sigana baé anu disebut Ratu Hyang Banaspati di Carita Parahyangan teh nyaeta Resi Niskala Nyura Maya. Dedemit lainna nyaéta Udugbasu, Pulunggana, jeung Suranggana nu kasebut dina Carita Parahyangan sabenerna tokoh- tokoh anu aya dina mitologi wal ayana tatanén, hususna melak paré nu aya dina carita Sulanjana. Ari tokok utamana mah nyaéta Nyi Pohaci Sanghyang Sri. Dina éta carita Udugbasu mangrupa babai leuweung Pulunggana jeung Suranggana mangrupa manuk piit. Tiluana gawéna ngaruksak paré. Jadi Sabenerna tilu tokoh tadi mangrupa tokok nu di injeum ka panyusun carita Parahyangan.
Rancamaya teh hiji talaga pikeun kalangenan kulawarga karajaan. Hiji tempat nu dianggap penting minangka atribut atawa kalengkepan karajaan, nepi dibere gelar kahormatan Sanghiyang. Nya di dinya raja katut kulawargana lalayaran bari sukan-sukan. Alatan diurug mah sigana bae loba nu cilaka waktu lalayaran katurug turug talaga téh jero. Diurugna talaga ku Haluwési kajadianana pastina ogé dina jaman Susuktunggal jadi raja (1382-1482 M), ngan taun sabarahana mah teu kapaluruh. jadi, mangsa Sri Baduga Maharaja (1482-1521 M) jadi raja talaga téh geus saat.
Dina prasasti Batutulis kasebut Sri Baduga nyieun Sanghiyang Talaga Rena Mahawijaya, ngan hanjakal dimana lokasina heunteu disebutkeun. Ana kitu, naha Sanghiyang Rancamaya ni kasebut dina Carita Parahiyangan teh sarua/idéntik jeung Sanghiyang Talaga Réna Mahawijaya? naha Sri Baduga nyieun talaga séjén gaganti Sanghiyang Rancamaya nu geus di urug alatan angker sarta eta talaga anyar teh tuluy dingaranan Sanghyang Talaga Réna Mahawijaya?.
Di Rancamaya oge aya hiji tempat nu disebut Bukit Badigul atawa Sanghyang Padungkulan anu diduga tempat nu diwangun ku Sri Baduga nu disebut gugunungan dina prasasti Batutulis. Bukit Badigul ieu minangka puseur tempat kagiatan kagaamaan di zaman Pajajaran.
Numutkeun nu kapendak ku sim kuring, sanghyang haluwesi mirupa tempat atanapi barang nu dirapihkeun deui ku Sang Haliwungan. Nuhun,ieu artikel sae tur matak kataji. Hanjakal tempat2 eta teu tiasa dipaluruh deui... Upami aya nu uninga sim kuring hoyong ngajugjugan
BalasHapusUpami Bade ngajugjugan ( Ziaroh ) ka makam-na mangga kantun Ka Puncak Gunung Galunggung di Tasik Malaya di eta luhur gunung aya batu patilasan tapa-na ( kholwat-na ), sakaligus janten ciri makam-na mung katelah-na diditu mah Prabu Elang Jangkung / Sunan Gunung Galunggung nyatana gelar sanes-na ti Raden Pamanah Rasa ( Prabu Siliwangi ) .....mung omat teu kenging dijantenkeun bisnis...boh tempatna atanapi sanes kantenna....sakitu amanah ti wargi2 simkuring mah.....sampurasunnnnn...........
BalasHapusAssalamualaikum....sangat menarik sejarah Ranca maya di wilayah kami juga ada Ranca Mayang menceritakan prabu Siliwangi dan nyai kentring manik mayang sunda kalau melihat pada pantun ratu kembang panyarikan Ranca Maya baru yang di rahasiakan itu ada sebenarnya yang di sebutkan banas pati itu memang dalam sejarah kami di sebutkan memang tempat api kalau saya perhatikan cerita agan di atas itu memperkuat bahwa memang eyang prabu Siliwangi ada di tempat api Tersebut namun bukan di Jawa barat r
BalasHapusAssalamualaikum... yang mungkin perlu di ketahui juga bahwa eyang prabu Siliwangi setelah berguru agama Islam di masa tuanya prabu Siliwangi sudah tidak menggunakan nama prabu Siliwangi lagi
BalasHapusTerus yang mo kita cari Ranca Maya Yang mana yang asli apa yang silokaan
BalasHapus